Փոլ Մաքքարթնի - My Valentine (հայերեն)

Paul McCartney

Մեր օրերում շատ են խոսում, որ այսօր չկան անցյալ դարում այդքան պոպուլյար գեղեցիկ սիրային երգերը, որոնց բառերը մաքուր էին, զերծ էին անպարկաշտ բառախաղերից, պարզ էին և հուզիչ: Սակայն պետք է նշել, որ կան երգիչներ, ովքեր իրենց մեջ կրում են այդ ոգին և անկասկած նրանցից է մեծն Փոլ Մըքքարթնին, ով շարունակում է ստեղծագործել և նվիրել մեզ հոյակապ երգեր: Երգչի` 2012 թվականին լույս տեսած “Kisses on the botton” ալբոմի ամենահայտնի կոմպոզիցիան` My Valentine: 

Ալբոմում հայտնվել են դասական փոփ ժանրում հայտնի Մըքքարթնիի հին ու նոր երգերը: My Valentine-ը ալբոմի առաջին սինգլն է, որ լույս տեսավ 2013-ի փոտրվարին: Այն նվիրված է երգչի կնոջը` Նենսի Շևելին:
Մըքքարթնին այն գրել է Սուրբ Վալենտինի տոնի առթիվ, նշենք, որ կիթառային մասը կատարում է Էրիկ Քլեփթոնը: Երաժշտական քննադատներն այն ճանաչեցին լավագույնը ողջ ալբոմում: Հայտնի է երգի կենդանի կատարումը 2012 թվականի Գրեմիի մրցանակաբաշխությանը, երբ դաշնամուրի մոտ էր Դայանա Քրոլը(Dayana Krol): 

Երգը մեծ ճանաչում ստացավ հատկապես յուրահատուկ տեսահոլովակի շնորհիվ, որում հանդես են գալիս հոլիվուդյան աստղեր Նատալի Փորթմանն ու Ջոնի Դեպը: Այս սև-սպիտակ հոլովակում դերասանները ժեստերի լեզվով են կատարում ստեղծագործությունը և իրենց դերասանական տաղանդի շնորհիվ կարողանում են երգի լիրիկան փոխանցել մեզ:

Բիթլը պատմում է, որ երգը գրել է մի անձրևոտ օր, երբ ինքն ու Նենսին միասին հանգստանում էին քաղաքից դուրս մի ավանում: Այդ մելամաղձոտ եղանակը մղեց երաժշտին ստեղծագործելու: Երգիչը ասում է, որ չնայած անձրևում է, բայց շուտով արևը կհայտնվի, ինչպես իր սերը հայտնվեց տարիներ տևած անձրևոտ օրերից հետո:
Դե ինչ, սիրեք և սիրված եղեք:) ^_^

 

My Valentine

Մեզ ինչ եթե անձրևեր,

Մեր պետքն էլ չէր:

Ասաց, որ մի օր արևը կփայլի,

Ու իրավացի էր,

Իմ այս սերը,

Իմ նվերը:

Այսպես օրն ու գիշերը

Կանցնեին կողքովս,

Ու ինքս ինձ կասեի, նախանշանի էի սպասում,

Ու նա կհայտնվեր,

Իմ հիանալի սերը,

Իմ նվերը:

Ու ես առհավետ կսիրեմ նրան

Ու երբեք գեթ մի օր էլ չեմ թողնի 

Անցնի առանց մատնանշելու պատճառները,

Թե ինչու եմ այսքան վստահ դառնում,

Որ կարող եմ թռչել:

Ես էսպես էլ ապրում եմ

Առանց մտահոգվելու

Ու գիտեմ, որ մի օր արևը կփայլի,

Նա էլ այնտեղ կլինի,

Իմ այս սերը,

Իմ նվերը...

Բիթլզ - Eight Days A Week (հայերեն)

"Eight Days a Week"-ը Բիթլզի երգերից է, որը գրել են Մաքքարթնին և Լենոնը` հիմնված Փոլի յուրահատուկ գաղափարի վրա: Երգը առաջին անգամ թողարկվել է 1964 թվականի դեկտեմբերին Մեծ Բրիտանիայում Beatles for Sale ալբոմում: Իսկ Միացյալ Նահանգներում թողարկվել է 1965-ի փետրվարին: Այն 1965-ի մարտ ամսին երկու շաբաթ շարունակում էր մնալ առաջին հորիզոնականում: Երգը վերաթողարկվել է նաև 2000թ.-ին Բիթլզի համար մեկ հավաքածու ալբոմում: Այն ճանաչվել է 1965թ.ի լավագույն ութերորդ երգը:

Փոլ Մաքքարթնին այս երգի ոգեշնչումը ուղղում է ամենաքիչը երկու աղբյուրի: 1964-ին Փլեյբոյի մի հարցազրույցում Փոլը երգի վերնագրի գաղափարը վերագրում է Ռինգոյին:
Լինդա: Ռինգոն էլ է ասել “Շաբաթը ութ օր”:
Փոլ: Այո, նա ասել է, քանի որ նա գերլարված վարորդ է: ““Շաբաթը ութ օր”: Երբ մենք լսեցինք դա, ասացինք` Իրոք, Բինգո!

Ինչևէ, Փոլը երգի գաղափարը նաև ուղղում է մի իրական վարորդի, ով մի անգամ նրան տարել էր Լենոնի տուն` Վեյբրիջ:

-Սովորաբար ես ինքս եմ այնտեղ գնում, բայց այդ օրը վարորդը ինձ հասցրեց այնտեղ ու երբ հարցրի` ոնց է, -Օ~ ծանր աշխատելով, ասաց նա,- աշխատելով շաբաթը ութ օր:

2016-ին մի հարցազրույցի ժամանակ Ռինգո Սթարը շեշտեց, որ նա լսել է այդ խոսքը մի վարորդից, ով տանում էր իրեն Լենոնի տուն մինչ նրան արգելել էին մեքենա վարել:

Շաբաթը ութ օր

Օ~, ես քո սիրո կարիքը ունեմ, սիրունիկս,
Կարծում եմ` գիտես, որ ճիշտ եմ:
Հուսով եմ` իմ սիրո կարիքը ունես, սիրունիկս,
Այնպես, ինչպես դու ես ինձ պետք:

Մոտ արի, սիրիր ինձ,
Մոտ արի, սիրիր ինձ,
Դա ոչ այլ ինչ է, քան սեր, սիրունիկս:

Շաբաթը ութ օր:

Ամեն օր սիրում եմ քեզ,
Միշտ իմ մտքում,
Ինչ կարող եմ ասել քեզ`
Սիրում եմ ամեն վայրկյան:

Մոտ արի, սիրիր ինձ,
Մոտ արի, սիրիր ինձ,
Դա ոչ այլ ինչ է, քան սեր, սիրունիկս:

Շաբաթը ութ օր:

Շաբաթը ութ օր,
Սիրուււււււււմ եմ քեզ,
Շաբաթը ութ օր
Բավական չէ, որ ցույց տամ` պաշտում եմ:

…

Բիթլզ - Hello, Goodbye (հայերեն)

Այս երգը գրել է Մաքքարթնին: Երգը ձայնագրվել է 1967 թվականի հոկտեմբերի 2-ին:

Նրա ընկեր Ալիստեր Թեյլորը, որը հաճախ այցելում էր նրան, մի օր հարցրեց նրան, թե ինչպես են գրվում նրա այդքան շատ երգերը ու ինչպես է Փոլը հանգում այդ գաղափարներին: Փոլը տարավ նրան իր ճաշասենյակ, որ մի փոքրիկ ցուցադրություն կազմակերպի իր ֆիսհարմոնով: Որպես փրձարկում Փոլը խնդրեց նրան բղավել այն բառի հակառակը, որն ինքը կասեր: Ինչպես օրինակ` սեւ-սպիտակ, այո-ոչ, ողջույն-հաջողություն: Այսպես ծնվեց երգը:

Երգի թողարկումից քիչ ժամանակ անց Փոլը բացատրում էր, որ  «ամեն ինչի պատասխանը շատ պարզ է: Սա երգ է ամեն ինչի ու ոչնչի մասին: Եթե դու ունես սեւ, ապա պարտավոր ես նաեւ ունենալ սպիտակ. սա է կյանքի զարմանքը»: Փոլը նշում է, որ սա ընդամենը երկվության մասին երգ է, եւ նա այդ երգով դրականն է քարոզում: 

Ջոն Լենոնը հավաստիացնում է, որ ինքը ոչ մի մասնակցություն չի ունեցել այս երգում.  «Սա մեկ ուրիշ Մաքքարթնի է»:

Իսկ երգի ավարտի Hela heba helloa բառերը ընդամենը ձայնագրման ժամանակ արված իմպրովիզ են:

Բիթլզ - The Fool on the Hill (հայերեն)

Fool on the hill երգը գրել է Փոլ Մաքքարթնին: Երգը ձայնագրվել է 1967 թվականի սեպտեմբերին: Այն մի մարդու մասին է, որին ուրիշները ցնորված են համարում, բայց նրա տարօրինակ պահվածքը իրականում իմաստության նշան է:

Այն, ինչը որ մղեց Փոլին գրել այս երգը, պատահել է, երբ Փոլը մի առավոտ զբոսանքի էր դուրս եկել իր շան` Մարթայի հետ, Փրիմռոզ բլրի վրա: Երբ արևածագով էր հիանում, նկատեց, որ Մարթան կորել է: Փոլը շրջում էր, որ գտնի Մարթային, երբ մի մարդ հայտնվեց` առանց որևէ ձայն հանելու: Այդ մարդը պատշաճ տեսք ուներ: Փոլը գիտեր, որ նա վայրկյաններ առաջ այնտեղ չէր, քանի որ այդ ուղղությամբ արդեն նայել էր Մարթային փնտրելիս: Փոլն ու անծանոթը ողջյունի մի խոսք փոխանակեցին, ապա տարօրինակ մարդը խոսեց այն մասին, թե Լոնդոնի վրա ինչ գեղեցիկ տեսարան է բացվում բլրի բարձունքից: Մի քանի վայրկյան Փոլն իր շուրջն էր նայում, երբ նա հեռացավ: Այնպես անհետացավ, ինչպես հայտնվել էր:

Մաքքարթնիի ընկերներից մեկը` Ալիստեր Թեյլորը (Alistair Taylor), այդ տարօրինակ դեպքի պահին Փոլի հետ էր և հետագայում իր “Yesterday”  վերնագրով գրքում գրել է դրա մասին:

Բիթլզ - I saw her standing there (հայերեն)

Ողջույն և բարի գալուստ նորաբաց ԲԶԵԶ ԹիՎի:

Այստեղ կգտնեք բրիտանական հանրահայտ ռոք քառյակի` Բիթլերի երգերը հայերեն թարգմանությամբ: 

Սկսենք Բզեզների առաջին Please Please Me ալբոմի երգերից:

Please Please Me ալբոմը թողարկվել է 1963թ. մարտի 22-ին: Ալբոմի առաջին կողմի առաջին երգն է I saw her standing there. 

Չաք Բերիի ազդեցությունը կրող այս երգը որոշ ժամանակ The Beatles-ի կենդանի ծրագրի մի մասն է եղել: Գրել է 1961-ին Փոլ Մաքքարթնին, որն այն ժամանակ երգը վերնագրել էր  Seventeen (Տասնյոթ):

Հետագայում Ջոն Լենոնը որոշ բաներ է ավելացրել տեքստում: Փոլն այս երգը գրել է Այրիս Քալդուել անունով աղջկա մասին: Նա Ռորի Սթորմի տասնյոթամյա քույրն էր, որի հետ Փոլը որոշ ժամանակ հանդիպում էր Լիվերպուլում: Փոլը երգի հիմնական կատարողն է, բայց Ջոնի ձայնը կարելի է լսել կրկներգի բեք-վոկալում: