Բիթլզ - Eight Days A Week (հայերեն)

"Eight Days a Week"-ը Բիթլզի երգերից է, որը գրել են Մաքքարթնին և Լենոնը` հիմնված Փոլի յուրահատուկ գաղափարի վրա: Երգը առաջին անգամ թողարկվել է 1964 թվականի դեկտեմբերին Մեծ Բրիտանիայում Beatles for Sale ալբոմում: Իսկ Միացյալ Նահանգներում թողարկվել է 1965-ի փետրվարին: Այն 1965-ի մարտ ամսին երկու շաբաթ շարունակում էր մնալ առաջին հորիզոնականում: Երգը վերաթողարկվել է նաև 2000թ.-ին Բիթլզի համար մեկ հավաքածու ալբոմում: Այն ճանաչվել է 1965թ.ի լավագույն ութերորդ երգը:

Փոլ Մաքքարթնին այս երգի ոգեշնչումը ուղղում է ամենաքիչը երկու աղբյուրի: 1964-ին Փլեյբոյի մի հարցազրույցում Փոլը երգի վերնագրի գաղափարը վերագրում է Ռինգոյին:
Լինդա: Ռինգոն էլ է ասել “Շաբաթը ութ օր”:
Փոլ: Այո, նա ասել է, քանի որ նա գերլարված վարորդ է: ““Շաբաթը ութ օր”: Երբ մենք լսեցինք դա, ասացինք` Իրոք, Բինգո!

Ինչևէ, Փոլը երգի գաղափարը նաև ուղղում է մի իրական վարորդի, ով մի անգամ նրան տարել էր Լենոնի տուն` Վեյբրիջ:

-Սովորաբար ես ինքս եմ այնտեղ գնում, բայց այդ օրը վարորդը ինձ հասցրեց այնտեղ ու երբ հարցրի` ոնց է, -Օ~ ծանր աշխատելով, ասաց նա,- աշխատելով շաբաթը ութ օր:

2016-ին մի հարցազրույցի ժամանակ Ռինգո Սթարը շեշտեց, որ նա լսել է այդ խոսքը մի վարորդից, ով տանում էր իրեն Լենոնի տուն մինչ նրան արգելել էին մեքենա վարել:

Շաբաթը ութ օր

Օ~, ես քո սիրո կարիքը ունեմ, սիրունիկս,
Կարծում եմ` գիտես, որ ճիշտ եմ:
Հուսով եմ` իմ սիրո կարիքը ունես, սիրունիկս,
Այնպես, ինչպես դու ես ինձ պետք:

Մոտ արի, սիրիր ինձ,
Մոտ արի, սիրիր ինձ,
Դա ոչ այլ ինչ է, քան սեր, սիրունիկս:

Շաբաթը ութ օր:

Ամեն օր սիրում եմ քեզ,
Միշտ իմ մտքում,
Ինչ կարող եմ ասել քեզ`
Սիրում եմ ամեն վայրկյան:

Մոտ արի, սիրիր ինձ,
Մոտ արի, սիրիր ինձ,
Դա ոչ այլ ինչ է, քան սեր, սիրունիկս:

Շաբաթը ութ օր:

Շաբաթը ութ օր,
Սիրուււււււււմ եմ քեզ,
Շաբաթը ութ օր
Բավական չէ, որ ցույց տամ` պաշտում եմ:

…

Բիթլզ - Hello, Goodbye (հայերեն)

Այս երգը գրել է Մաքքարթնին: Երգը ձայնագրվել է 1967 թվականի հոկտեմբերի 2-ին:

Նրա ընկեր Ալիստեր Թեյլորը, որը հաճախ այցելում էր նրան, մի օր հարցրեց նրան, թե ինչպես են գրվում նրա այդքան շատ երգերը ու ինչպես է Փոլը հանգում այդ գաղափարներին: Փոլը տարավ նրան իր ճաշասենյակ, որ մի փոքրիկ ցուցադրություն կազմակերպի իր ֆիսհարմոնով: Որպես փրձարկում Փոլը խնդրեց նրան բղավել այն բառի հակառակը, որն ինքը կասեր: Ինչպես օրինակ` սեւ-սպիտակ, այո-ոչ, ողջույն-հաջողություն: Այսպես ծնվեց երգը:

Երգի թողարկումից քիչ ժամանակ անց Փոլը բացատրում էր, որ  «ամեն ինչի պատասխանը շատ պարզ է: Սա երգ է ամեն ինչի ու ոչնչի մասին: Եթե դու ունես սեւ, ապա պարտավոր ես նաեւ ունենալ սպիտակ. սա է կյանքի զարմանքը»: Փոլը նշում է, որ սա ընդամենը երկվության մասին երգ է, եւ նա այդ երգով դրականն է քարոզում: 

Ջոն Լենոնը հավաստիացնում է, որ ինքը ոչ մի մասնակցություն չի ունեցել այս երգում.  «Սա մեկ ուրիշ Մաքքարթնի է»:

Իսկ երգի ավարտի Hela heba helloa բառերը ընդամենը ձայնագրման ժամանակ արված իմպրովիզ են:

Բիթլզ - The Fool on the Hill (հայերեն)

Fool on the hill երգը գրել է Փոլ Մաքքարթնին: Երգը ձայնագրվել է 1967 թվականի սեպտեմբերին: Այն մի մարդու մասին է, որին ուրիշները ցնորված են համարում, բայց նրա տարօրինակ պահվածքը իրականում իմաստության նշան է:

Այն, ինչը որ մղեց Փոլին գրել այս երգը, պատահել է, երբ Փոլը մի առավոտ զբոսանքի էր դուրս եկել իր շան` Մարթայի հետ, Փրիմռոզ բլրի վրա: Երբ արևածագով էր հիանում, նկատեց, որ Մարթան կորել է: Փոլը շրջում էր, որ գտնի Մարթային, երբ մի մարդ հայտնվեց` առանց որևէ ձայն հանելու: Այդ մարդը պատշաճ տեսք ուներ: Փոլը գիտեր, որ նա վայրկյաններ առաջ այնտեղ չէր, քանի որ այդ ուղղությամբ արդեն նայել էր Մարթային փնտրելիս: Փոլն ու անծանոթը ողջյունի մի խոսք փոխանակեցին, ապա տարօրինակ մարդը խոսեց այն մասին, թե Լոնդոնի վրա ինչ գեղեցիկ տեսարան է բացվում բլրի բարձունքից: Մի քանի վայրկյան Փոլն իր շուրջն էր նայում, երբ նա հեռացավ: Այնպես անհետացավ, ինչպես հայտնվել էր:

Մաքքարթնիի ընկերներից մեկը` Ալիստեր Թեյլորը (Alistair Taylor), այդ տարօրինակ դեպքի պահին Փոլի հետ էր և հետագայում իր “Yesterday”  վերնագրով գրքում գրել է դրա մասին:

10 հետաքրքիր փաստ Բիթլզ խմբի մասին (Մաս 2)

1.1962թ.-ին մինչեւ խմբի հետ առաջին պայմանագիր կնքելը  Էփսթայնը խմբի բասիստ Փիթ Բեսթին փոխարինել է Ռինգո Սթարով, որը եղել է երաժիշտների վաղեմի բարեկամը: Այսպես ստեղծվել է խմբի վերջանական կազմը: Միայն 1964 թվականին մինչեւ Սկանդինավիայում հյուրախաղերը սկսելը Ռինգոն հիվանդացել է եւ նրան փոխարինել է Ջիմմի Նիկոլը: 

2. Ռինգո Սթարի իրական անունը Ռիչարդ Ստարկի է:

3. Love Me Do եւ Please, Please Me երգերը դարձել են լիվերպուլյան քառյակի առաջին հիթերը:

4. Խմբի առաջին ալբոմն անվանվել է Please, Please Me (1963թ.), իսկ վերջինը՝ Let It Be (1970թ.):
Ընդհանուր առմամբ խումբը թողարկել է 13 ալբոմ:

5. 1967-ի հունիսի 25-ին The Beatles-ը դարձել է առաջին խումբը, որի ելույթները արբանյակային հեռարձակմամբ ցուցադրվել են BBC հեռուստաալիքով:

6. Խումբը թողարկել է երեք կատակերգություն՝

''Hard Day’s Night'',

''Help'',

''Magical Mystery Tour.''

7. ''Hard Day’s Night'' ֆիլմում որպես խմբի երկրպագու նկարահանվել է ապագա աստղ եւ Genesis խմբի լիդեր Ֆիլ Քոլլինզը (Phil Collins):

10 հետաքրքիր փաստ Բիթլզ խմբի մասին (Մաս 1)

Բրիտանական ռոք քառյակի երկրպագուներին ենք ներկայացնում 10 հետաքրքիր փաստ բիթլների մասին: 

1. The Beatles խմբի հիմնադիր Ջոն Լենոնը 1956 թվականին ձեւավորել է իր առաջին խումբը` The Quarrymen անվամբ:

Խմբում ներառվել են QuarryBank դպրոցի իր ընկերները:

2. The Beatles անվանումը հորինվել է, երբ Լենոնի խումբ են եկել նոր մասնակիցներ՝ Փոլ Մաքքարթնին, ապա Ջորջ Հարիսոնը, ովքեր առնչություն չեն ունեցել Quarry դպրոցի հետ:

3. Խմբին միանալու ժամանակ Հարիսոնն ընդամենը 16 տարեկան է եղել:

4. The Beatles անվանումը բառախաղ է, «beetles» (բզեզներ) եւ «beat» (բիթ) բառերի համադրում:

5. Լենոնին եւ Փոլին մտերմացրել է ոչ միայն երաժշտության հանդեպ ունեցած սերը, այլ ընդհանուր ողբերգությունը: 1956թ.-ին արյան քաղցկեղից մահացել է Փոլի մայրը, իսկ երկու տարի անց ավտովթարի հետեւանքով Լենոնը կորցրել է իր մորը:

Բիթլզ - If I Fell (հայերեն)

If I Fell-ը Բիթլզ խմբի երգերից է, որը գրել է Ջոն Լենոնը 1964թ. հուլիսի 10-ին:

Այն ներառված է եղել A Hard day's Night ալբոմի առաջին կողմում: Ալբոմը թողարկվել է 1964թ.-ի օգոստոսի 11-ին Բրիտանիայում և ներառել է 13 երգ:
If I Fell երգը եղել է նաև Something New ալբոմի Բ կողմի երգերից: Այս ալբոմը թողարկվել է ԱՄՆ-ում` A Hard Day's Night ալբոմի հիման վրա: Ալբոմը ունեցել է 11 երգ:
Սա Լենոնի այն գեղեցիկ երգերից մեկն է, որ բացահայտում է իրեն: Երգի նախնական տարբերակում նա գրել էր «Հուսով եմ, որ նա կարտասվի, երբ լսի, որ միասին ենք»:
1980թ.-ին հարցազրույցներից մեկի ժամանակ Լենոնը If I Fell երգի մասին ասել է. «Դա բալլադ գրելու իմ առաջին փորձն էր: Այն նախորդում էր  In My Life երգին:Դրանք ունեն նույն ակորդային հերթականությունը: Երգը ցույց է տալիս, որ ես այն ժամանակ գրում էի զգայուն բալլադներ ու տխմար սիրային երգեր»:

Բիթլզ - I saw her standing there (հայերեն)

Ողջույն և բարի գալուստ նորաբաց ԲԶԵԶ ԹիՎի:

Այստեղ կգտնեք բրիտանական հանրահայտ ռոք քառյակի` Բիթլերի երգերը հայերեն թարգմանությամբ: 

Սկսենք Բզեզների առաջին Please Please Me ալբոմի երգերից:

Please Please Me ալբոմը թողարկվել է 1963թ. մարտի 22-ին: Ալբոմի առաջին կողմի առաջին երգն է I saw her standing there. 

Չաք Բերիի ազդեցությունը կրող այս երգը որոշ ժամանակ The Beatles-ի կենդանի ծրագրի մի մասն է եղել: Գրել է 1961-ին Փոլ Մաքքարթնին, որն այն ժամանակ երգը վերնագրել էր  Seventeen (Տասնյոթ):

Հետագայում Ջոն Լենոնը որոշ բաներ է ավելացրել տեքստում: Փոլն այս երգը գրել է Այրիս Քալդուել անունով աղջկա մասին: Նա Ռորի Սթորմի տասնյոթամյա քույրն էր, որի հետ Փոլը որոշ ժամանակ հանդիպում էր Լիվերպուլում: Փոլը երգի հիմնական կատարողն է, բայց Ջոնի ձայնը կարելի է լսել կրկներգի բեք-վոկալում: